ठाण्यात मातीचा ढिगारा अंगावर कोसळून दोन कामगारांचा मृत्यू झाल्याची घटना घडली आहे. नौपाडा येथे सांयकाळी सव्वासहा वाजता ही घटना घडली. बी- केबिन येथे सत्य नीलियम या नवीन इमारतीची पायाभरणी सुरु होती. त्यावेळी अचानक मातीचा ढिगारा कोसळला.

पोलीस व आपत्ती विभागाला याची माहिती देण्यात आली. याची माहिती मिळताच आपत्ती व्यवस्थापन, ठाणे आपत्ती प्रतिसाद दल, अग्निशमन दल, अतिक्रमण निष्कासन विभाग व पोलिसांनी घटनास्थळी पोहचले. त्यांना उपचारासाठी ठाणे जिल्हा शासकीय रुग्णालयात दाखल करण्यात आले.

दोन कामगारांचा ढिगाऱ्याखाली अडकून मृत्यु झाला. तर जखमीवर उपचार सुरु आहेत. या घटनेचा पोलिस तपास करत आहेत.