सुविचार
यश मिळवायचं असेल तर स्वत:च स्वत:वर काही बंधन घाला.
आज काय घडले
१९७२ मध्ये भारत पाकिस्तान यांच्यातील युद्ध समाप्तीनंतर सिमला परिषदेचा मसुदा तयार करण्यास प्रारंभ करण्यात आला.
१९९७ मध्ये माइक टायसन यांनी मुष्टियुद्धात इव्हांडर होलिफील्डच्या कानाचा चावा घेऊन तुकडा तोडला. यामुळे त्यांना निलंबित करून होलिफील्डला विजेता घोषित करण्यात आले.
१९९८ मध्ये संयुक्त राष्ट्र संघाने १९४८ साली मानवी संरक्षणासाठी घेतलेल्या मानवी हक्काविषयी सार्वत्रिक जाहीरनाम्यास पन्नास वर्ष पूर्ण झाली.
आज यांचा जन्म
भारताचे ९वे पंतप्रधान पी. व्ही. नरसिंहराव यांचा १९२१ मध्ये जन्म झाला. भारताच्या नवीन आर्थिक धोरणाची सुरुवात त्यांच्या पंतप्रधान कारकिर्दीत झाली.
आंतरराष्ट्रीय ख्यातीचे चित्रकार, कलासमीक्षक बाबुराव नारायण सडवेलकर यांचा १९२८ मध्ये जन्म झाला.
साहित्यिक समीक्षक, दलित चळवळीला वाहिलेल्या अस्मितादर्श या त्रैमासिकाचे संस्थापक संपादक डॉ.गंगाधर पानतावणे यांचा १९३७ मध्ये जन्म झाला. त्यांनी अनेक कवी-लेखकांच्या पुस्तकांना विवेचक प्रस्तावना लिहिल्या आहेत.
पद्मश्री पुरस्कार व अर्जुन पुरस्कार सन्मानित नेमबाज जसपाल राणा यांचा १९७६ मध्ये जन्म झाला. त्यांनी राष्ट्रीय व आंतरराष्ट्रीय स्पर्धेत ६०० पेक्षा जास्त पदक जिंकले आहेत.
आज यांची पुण्यतिथी
प्रसिध्द भारतीय संख्याशास्रज्ञ तसेच इंडियन स्टॅटिस्टिकल इन्स्टिट्यूटचे संस्थापक प्रशांतचंद्र महालनोबीस यांचे १९७२ मध्ये निधन झाले.
उद्योजक विष्णू महेश्वर ऊर्फ व्ही. एम. तथा दादासाहेब जोग यांचे २००० मध्ये निधन झाले.
भारतीय दिग्दर्शक, निर्माता आणि पटकथालेखक ए. के. लोहितदास यांचे २००९ मध्ये निधन झाले.