आपला चेहरा चांगला तजेलदार दिसावा असे प्रत्येकाला वाटत असते. मात्र चेहऱ्यावरील पिंपल्समुळे अनेकजण हैराण झालेले असतात. चेहऱ्यावर पिंपल्स येणे ही सामान्य समस्या आहे. बदलते हवामान, धूळ, प्रदूषण आणि तेलकट, मसालेदार पदार्थांचे जास्त सेवन केल्याने पिंपल्स येतात. या पिंपल्सवर अनेक उपाय केले जाता. अनेक क्रिम, तेलाचा वापर केला जातो. मात्र त्याने काही फरक पडत नाही. चला तर आज आम्ही तुम्हाला असे काही उपाय सांगणार आहोत ज्यामुळे मुरुमे कमी होण्यास मदत होईल.
दिवसातून दोनदा चेहरा धुणे आवश्यक असून त्यामुळे चेहऱ्यावरील घाणं निघून जाण्यास मदत होते. त्वचेवरील धूळ, अतिरिक्त तेल निघून जाण्यास मदत होते. चेहरा नियमित धुणे गरजेचं आहे.ज्यामुळे पिंपल्सची समस्या कमी होईल.
हळद आणि दुधाची साय चेहऱ्यासाठी फायदेशीर आहे. हळद आणि दुधाची साय मिक्स करून त्याची पेस्ट चेहऱ्याला लावून ठेवावी. त्यानंतर थोड्यावेळाने चेहरा स्वच्छ धुवावा
भरपूर पाणी प्यायल्याने त्वचा चमकदार राहते. शरीरातील विषारी घटक बाहेर टाकण्यास मदत होते. ज्यामुळे मुरुमे पुरळ कमी होतात.
चेहऱ्यावरील पिंपल्सवर कडुलिंबाचा पाला फायदेशीर ठरतो. कडुलिंबाच्या पानांची बारीक पेस्ट करून ती पिंपल्सवर लावल्याने मुरुमे कमी होण्यास मदत होते.
कोरफडीचा जेल पिंपल्सवर लावल्याने मुरुमे पुरळ कमी होण्यास मदत होते. त्वचेला यामुळे थंडावा मिळतो. चेहऱ्यावर ओलावा टिकून राहण्यास मदत होते.