निवडणुकांचे बिगुल वाजलं आहे. विधानसभा निवडणुकीसाठी सर्व राजकीय पक्ष जोरदार तयारीला लागले आहेत. राजकीय पक्ष अनेक बैठका, पत्रकार परिषद घेत आहेत. निवडणूक आयोगाने पत्रकार परिषद घेत निवडणुकांच्या तारखा जाहीर केल्या.

20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत. याच पार्श्वभूमीवर पनवेल मतदारसंघात पंतप्रधान नरेंद्र मोदी यांची जाहीर सभा पार पडणार आहे.

14 नोव्हेंबरला पंतप्रधान नरेंद्र मोदी यांची ही जाहीर सभा होणार असून निवडणुकीच्या पार्श्वभूमीवर नरेंद्र मोदी शक्तिप्रदर्शन करणार असल्याची माहिती मिळत आहे. खारघर येथे भाजप उमेदवारांच्या प्रचारासाठी पंतप्रधान नरेंद्र मोदी जाहीर सभा घेणार असल्याचे पनवेलचे आमदार प्रशांत ठाकूर यांनी जाहीर केलं आहे.