विधानसभा निवडणुकीसाठी सर्व राजकीय पक्ष जोरदार तयारीला लागले आहेत. राज्यात विधानसभा निवडणुकीची धामधुम सुरू आहे. सर्वच राजकीय पक्षांनी स्टार प्रचारकांची यादी जाहीर करण्यात आली आहे. त्यामुळे सर्वपक्षांना आता प्रचारासाठी अत्यंत कमी दिवस उरले आहेत. याचपार्श्वभूमीवर केरळमधील वायनाड येथे होणाऱ्या लोकसभा पोटनिवडणुकीसाठी काँग्रेस सरचिटणीस प्रियांका गांधी आजपासून पुन्हा प्रचाराला सुरुवात करणार आहेत. ज्यासाठी राहुल गांधी सकाळीच वायनाडला रवाना झाले आहेत, काँग्रेस सरचिटणीस प्रियंका गांधी आजपासून केरळमधील वायनाडमध्ये होणाऱ्या लोकसभा पोटनिवडणुकीसाठी पुन्हा प्रचाराला सुरुवात करणार आहेत.
प्रियंका गांधी आज सकाळी ११ वाजता राहुल गांधी यांच्यासह मनंतवाडी येथील गांधी पार्कमध्ये संयुक्त सभेला संबोधित करतील आणि त्याच दिवशी तीन वेगवेगळ्या ठिकाणी समर्थकांच्या भेटीगाठी घेतील. प्रचार अभियानांतर्गत राहुल गांधी एरीकोड येथील जाहीर सभेला संबोधित करणार आहेत. प्रियंका गांधी ४ नोव्हेंबर रोजी कलपेट्टा आणि सुल्तान बाथरी विधानसभा मतदारसंघातील पाच ठिकाणी होणाऱ्या सभांना संबोधित करणार आहेत. तर निवडणुकीच्या रिंगणात प्रथमच उतरलेल्या प्रियंका गांधी ७ नोव्हेंबरपर्यंत केरळमध्ये राहणार आहेत.