निवडणुकांचे बिगुल वाजलं आहे. 20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत. राजकीय पक्ष अनेक बैठका, पत्रकार परिषद, सभा घेत आहेत.

विधानसभा निवडणुकीसाठी सर्व राजकीय पक्ष जोरदार तयारीला लागले आहेत. याच पार्श्वभूमीवर आता सोलापुरात 6 नोव्हेंबर रोजी मनसे अध्यक्ष राज ठाकरे यांची तोफ धडाडणार आहे. सोलापूर जिल्ह्यात दोन ठिकाणी राज ठाकरेंच्या एकाच दिवशी सभा होणार आहेत.

मनसे उमेदवारांसाठी राज ठाकरे मैदानात उतरणार असून पाच तारखेला प्रचाराची सुरुवात झाल्यानंतर दुसऱ्या दिवशी राज ठाकरे सोलापुरात असणार आहेत. सोलापूर शहर आणि मंगळवेढा येथे राज ठाकरे यांची सभा होणार आहे.