सातरा | मिनी काश्मीर म्हणून ओळखल्या जाणाऱ्या महाबळेश्वरमध्ये कडाक्याची थंडी पडल्याने लिंगमळा आणि वेण्णा लेक परिसरात दवबिंदू गोठले आहेत. येथील वेण्णालेक, लिंगमळा परिसरात पारा 5 अंशावर घसरला आहे.

महाबळेश्वर मध्ये पारा पुन्हा एकदा खाली आला आहे. वेण्णालेक आणि लिंगमळा परिसरातील सुमारे 2 किलोमीटरचा पट्ट्यात किमान तापमान 5 अंश सेल्सियस पर्यंत खाली उतरले. यामुळे त्याभागातील दवबिंदू गोठून हिमकण तयार झाले. या भागात गाडीच्या टपावर शेतातील गवतावर, वेण्णालेक परिसरात सर्व ठिकाणी हिमकण गोठलेले पहायला मिळाले.