क्रीडा

SRH VS RCB: रोमांचक सामन्यात SRHचा जबरदस्त विजय; तर RCBची हार

आयपीएलच्या 30 व्या सामन्यात सनरायजर्स हैदराबादचा सामना रॉयल चॅलेंजर्स बंगळुरुविरुद्ध खेळण्यात आला.

Published by : Dhanshree Shintre

आयपीएलच्या 30 व्या सामन्यात सनरायजर्स हैदराबादचा सामना रॉयल चॅलेंजर्स बंगळुरुविरुद्ध खेळण्यात आला. दोन्ही संघातील हा सामना रॉयल चॅलेंजर्स बंगळुरुच्या होम ग्राउंड एन चिन्नस्वामी स्टेडिअमवर खेळला गेला. या सामन्यात सनरायझर्स हैदराबादने स्पर्धेच्या इतिहासातील सर्वोच्च धावसंख्या उभारली. प्रत्युत्तरात आरसीबीने विजयाची नोंद करण्याचा सर्वतोपरी प्रयत्न केला, परंतु अखेरीस संघ 25 धावांनी मागे पडला आणि त्यांना आणखी एका पराभवाला सामोरे जावे लागले.

प्रथम फलंदाजी करताना सनरायजर्स हैदराबादने ट्रेव्हिस हेडचे शतक आणि हेनरिक क्लासेनच्या अर्धशतकाच्या जोरावर 20 षटकांत 3 बाद 287 धावा केल्या. आयपीएलच्या इतिहासातील ही सर्वात मोठी धावसंख्या ठरली. प्रत्युत्तरात आरसीबीनेही शानदार फलंदाजी केली, परंतु लक्ष्य इतके मोठे होते की संघ 25 धावांनी मागे राहिला. आरसीबीला 20 षटकात 7 विकेट्सवर केवळ 262 धावा करता आल्या. सनरायझर्स हैदराबादकडून कर्णधार पॅट कमिन्सने 43 धावांत तीन बळी घेतले.

आयपीएलच्या चालू मोसमात हैदराबादने इतक्या धावा करण्याची ही दुसरी वेळ होती. सनरायझर्स हैदराबादने रॉयल चॅलेंजर्स बंगळुरुविरुद्ध शानदार फलंदाजी करत आपलाच विक्रम मोडला आणि आयपीएलच्या इतिहासात सर्वाधिक धावा केल्या.

रॉयल चॅलेंजर्स बेंगळुरू प्लेइंग 11 :

फाफ डू प्लेसिस (कॅप्टन), विराट कोहली, विल जॅक्स, रजत पाटीदार, सौरव चौहान, दिनेश कार्तिक (विकेटकीपर), महिपाल लोमरोर, विजयकुमार विशक, रीस टोपले, लॉकी फर्ग्युसन आणि यश दयाल.

सनरायझर्स हैदराबाद प्लेइंग 11 :

पॅट कमिन्स (कर्णधार), ट्रॅव्हिस हेड, अभिषेक शर्मा, एडन मार्करम, नितीश रेड्डी, हेनरिक क्लासेन (विकेटकीपर), अब्दुल समद, शाहबाज अहमद, भुवनेश्वर कुमार, जयदेव उनाडकट आणि टी नटराजन.

Mohammad Kaif On Jasprit Bumrah Captaincy: बुमराहाला कर्णधारपद देण्याआधी दोनदा विचार करावा! जसप्रीतच्या कॅप्टन्सीवर मोहम्मद कैफचे ट्वीट

Ganesh Festival 2025 : गणेशोत्सवापूर्वी सरकारी कर्मचाऱ्यांना पगाराचा गोड प्रसाद

Manikrav Kokate : रिओ वर्ल्ड चॅम्पियनशिपपूर्वी जिनॅस्ट संयुक्ताला क्रीडामंत्र्यांचा फोन; 'महाराष्ट्राची हिरकणी' म्हणून संबोधत गौरविले

Palghar Gas Leak : बोईसर तारापूर MIDC मध्ये पुन्हा वायुगळती; 4 कामगारांचा मृत्यू तर 1 जखमी

Ganesh Festival Pune 2025 : बाप्पा पावला! गणेशोत्सवात 24 तास धावणार मेट्रो, एकदा पाहा वेळापत्रक