Asian Games 2023 : चीनमध्ये सुरु असेलल्या १९ व्या आशियाई क्रीडा स्पर्धेत बॅडमिंटनमध्ये पुरुष दुहेरीत भारताच्या चिराग शेट्टी आणि सात्विक साईराज रांकीरेड्डी या जोडीने ऐतिहासिक सुवर्ण पदक जिंकले आहे. भारतीय जोडीने कोरियाच्या जोडीचा 21 - 18, 21 - 16 असा पराभव केला. विशेष म्हणजे भारताचे एशियन गेम्सचे बॅडमिंटनमधील पहिले सुवर्ण पदक आहे.

चिराग आणि सात्विक यांनी अंतिम सामन्यात कोरियाच्या सोलग्यू छोई आणि वोन्हो किम या जोडीला २१-१८, २१-१६ अशा फरकाने पराभूत करत सुवर्ण पदक जिंकले. यासह चिराग आणि सात्विक हे आशियाई क्रीडा स्पर्धेत बॅडमिंटनमध्ये सुवर्ण पदक जिंकणारे पहिलेच भारतीय खेळाडू ठरले आहेत.