आज भारताचा माजी कर्णधार आणि स्फोटक फलंदाज विराट कोहलीचा 34 वा वाढदिवस आहे. देशासह जगभरात विराटाचे प्रचंड चाहते आहे. त्यामुळे अनेक विविध क्षेत्रातील दिग्ग्ज व्यक्ती कालपासूनच शुभेच्छांचा वर्षाव करत आहे. कोहलीच्या वाढदिवसानिमित्त तर सोशल मीडियावर चाहत्यांचा महापूर आला आहे.
विराट कोहलीच्या वाढदिवसानिमित्त बीसीसीआयने आज एक आकडेवारी जाहीर केली आहे. त्यामध्ये विराट कोहलीच्या आतापर्यंतच्या कामगिरीची आकडेवारी आहे. विराट कोहलीने एकूण 477 आंतरराष्ट्रीय सामने खेळले आहेत. त्यामध्ये 24350 धावा त्याने काढल्या आहेत. विराट कोहलीने आंतरराष्ट्रीय क्रिकेटमध्ये एकूण 71 शतके झळकावली. विशेष म्हणजे ज्यावेळी टीम इंडियाने विश्वचषक जिंकला त्यावेळी तो टीमचा भाग होता. असे आकडेवारी जाहीर करत बीसीसीआयने खास शुभेच्छा दिल्या आहे.
सध्या ऑस्ट्रेलियामध्ये टी- २० विश्वचषक २०२२ सुरु आहे. त्यामध्ये विराट चांगल्या कामगिरी करत चाहत्यांना एक वेगळाच आनंद मिळवून देत आहे. विश्वचषकात आलेल्या परतीच्या फॉर्ममुळे त्याचा हा वाढदिवस खास ठरत आहे.