आयपीएल 2024 च्या 7 व्या सामन्यात चेन्नई सुपर किंग्जचा सामना गुजरात टायटन्सशी होणार आहे. चेन्नई सुपर किंग्जने रॉयल चॅलेंजर्स बेंगळुरूविरुद्धचा सामना जिंकून यंदाच्या मोसमात विजयी सुरुवात केली आहे. ऋतुराज गायकवाड संघाचा नवा कर्णधार आहे. पण धोनी अजूनही त्याला पूर्णपणे तयार करण्याच्या प्रयत्नात आहे.

चेन्नईसाठी आनंदाची बातमी म्हणजे मतिश पाथिराना संघात सामील झाला आहे. शिवम दुबेचा गुजरात टायटन्सविरुद्धचा विक्रम फारसा उत्साहवर्धक नाही. त्याने या संघाविरुद्ध 5 सामन्यात केवळ 116 धावा केल्या आहेत. अशा स्थितीत सर्वांच्या नजरा दुबेच्या फलंदाजीकडे असतील. मात्र, सुपर किंग्जचाला अद्याप समीर रिझवीची फलंदाजी पाहायला मिळालेली नाही. तो देशांतर्गत क्रिकेटमध्ये त्याच्या लाँग शॉट्ससाठी ओळखला जातो.

चेपॉक स्टेडियमच्या खेळपट्टीबद्दल बोलायचे झाले तर ही विकेट संथ आहे. इथे चेंडू सहजासहजी बॅटवर येत नाही. विशेषत: फिरकी गोलंदाज हे विरोधी फलंदाजांसाठी मोठे आव्हान ठरत आहेत. याशिवाय वेगवान गोलंदाजांनाही खेळपट्टीची मदत मिळते. पण एकदा फलंदाजाला खेळपट्टीचा मूड कळला की फलंदाजी सोपी होते. अशा प्रकारे गोलंदाजांव्यतिरिक्त फलंदाजांनाही संधी आहेत. चेपॉक मैदानावर चेन्नई सुपर किंग्जचे वर्चस्व राहिले आहे. विशेषत: या मैदानावर चेन्नई सुपर किंग्जचे फिरकीपटू विरोधी फलंदाजांना चांगलेच अडचणीत आणतात.

गुजरात टायटन्सचे प्लेइंग इलेव्हन-

शुभमन गिल (कर्णधार), रिद्धिमान साहा, विजय शंकर, डेव्हिड मिलर, अजमतुल्ला ओमरझाई, राहुल तेवतिया, राशिद खान, उमेश खान, मोहित शर्मा, आर साई किशोर आणि स्पेन्सर जॉन्सन.

चेन्नई सुपर किंग्जचे प्लेइंग इलेवन-

रुतुराज गायकवाड (कर्णधार), रचिन रवींद्र, अजिंक्य रहाणे, डॅरिल मिशेल, रवींद्र जडेजा, समीर रिझवी, महेंद्रसिंग धोनी (यष्टीरक्षक), दीपक चहर, महेश थेक्षाना, मुस्तफिजुर रहमान आणि तुषार देशपांडे.