जपानच्या टोकियो शहरात २३ जुलैपासून ऑलिम्पिक स्पर्धा सुरू होत आहेत. सर्व देशांच्या खेळाडूंनी या खेळाच्या महाकुंभासाठी तयारी पूर्ण केली आहे. भारताचे पथकही या स्पर्धेसाठी सज्ज झाले आहे. मात्र आता टोकियो ऑलिम्पिकवर कोरोनाचं सावट आहे.

ऑलिम्पिक स्पर्धा सुरू होण्यास आठवडा शिल्लक असताना ऑलिम्पिक व्हिलेजमध्ये एकाला कोरोनाची लागण झाली आहे. आयोजकांनी याबद्दल माहिती दिली आहे. टोकियोमध्ये २३ जुलैपासून ऑलिम्पिक स्पर्धेला सुरुवात होईल. ८ ऑगस्टला स्पर्धेचा समारोप होईल.