ऑस्ट्रेलियाविरुद्ध भारत मालिका झाल्यानंतर आता भारत विरुद्ध इंग्लंड अशी 5 टी-20 सामन्यांची मालिका सुरु आहे. पहिल्या 2 सामन्यात टीम टीम इंडियाच्या फलंदाजांनी दमदार बॅटिंग करत, टीम इंडियाला विजय मिळवून दिला. अशातच आता ICCने टी-20 रँकिंगची घोषणा केली आहे. या फलंदाजांमध्ये तिलक वर्मा याचं नाव आघाडीवर आहे. इंग्लंडविरुद्धच्या दुसऱ्या सामन्यात तुफान अर्धशतकी खेळी खेळल्यानंतर त्याने दुसऱ्या स्थानावर झेप घेतली आहे. तिलक वर्माने 844 रेटिंगसह दुसऱ्या स्थावर उडी मारली आहे.
ICCरेटिंगमधील खेळाडूंचे स्थान
ICCरेटिंगमध्ये सध्या ऑस्ट्रेलियाचा स्टार फलंदाज ट्रेव्हिस हेड 855 रेटिंगसह अव्वल स्थानी आहे. तसेच तिलक वर्मा 844 रेटिंगसह दुसऱ्या स्थावर आहे त्यामुळे तिलक वर्माकडे आता ट्रेविस हेडलाही मागे सोडण्याची संधी आहे. तसेच इंग्लंडचा वेगवान फलंदाज फिल सॉल्ट हा 782 रेटींग पॉईँट्ससह तिसऱ्या स्थानावर आहे. तसेच टीम इंडियाचा आक्रमक फलंदाज आणि भारतीय टी-20 संघाचा कर्णधार सूर्यकुमार यादव 763 रेटींग पॉईंट्ससह चौथ्या स्थानावर आहे. त्याचसोबत इंग्लंडचा कर्णधार 749 रेटींगसह पाचव्या स्थानी आहे.