भारत आणि पाकिस्तान यांच्यातील क्रिकेट सामने नेहमीच चाहत्यांसाठी उत्कंठेचा असतो. 28 ऑगस्ट रोजी दुबईच्या मैदानावर आशिया चषक 2022 च्या गट सामन्यात पुन्हा एकदा दोन्ही देश भिडणार आहेत. या ब्लॉकबस्टर सामन्यात भारतीय संघाची धुरा रोहित शर्माच्या हातात असेल, तर पाकिस्तानी संघाचे नेतृत्व बाबर आझम करताना दिसणार आहे.

आशिया चषकाच्या इतिहासात दोन्ही देशांमधील जवळपास सर्वच सामने संस्मरणीय ठरले आहेत, परंतु काही सामने असे आहेत जे आजही दोन्ही देशांच्या क्रिकेट चाहत्यांच्या मनात घर करून आहेत.

या आशिया कपमध्ये हरभजन सिंग आणि शोएब अख्तर यांच्यात शाब्दिक युद्ध झाले. दांबुला येथे खेळल्या गेलेल्या सामन्यात पाकिस्तानने प्रथम फलंदाजी करताना सलमान बटच्या 74 धावांच्या जोरावर पाकिस्तान संघाने 267 धावा केल्या. प्रत्युत्तरात भारताने एक चेंडू बाकी असताना सामना जिंकला. हरभजनने मोहम्मद अमीरच्या चेंडूवर षटकार खेचून सामना शानदारपणे पूर्ण केला. त्या सामन्यात गौतम गंभीर (83) आणि एमएस धोनी (56) यांनीही उत्कृष्ट खेळी खेळली.

2012 आशिया कपमध्ये भारत आणि पाकिस्तान यांच्यात खेळलेला सामना विराट कोहलीसाठी खूप खास होता. मीरपूर येथे झालेल्या सामन्यात पाकिस्तानने प्रथम फलंदाजी करताना ५० षटकांत ६ बाद ३२९ धावा केल्या. नासिर जमशेदने 112 आणि मोहम्मद हाफिजने 105 धावा केल्या. प्रत्युत्तरात भारताने १३ चेंडू शिल्लक असताना सहा विकेट्स राखून सामना जिंकला. विराट कोहलीने 148 चेंडूत 183 धावांची खेळी खेळली, जी त्याची वनडेतील सर्वोत्तम धावसंख्या आहे.

2016 च्या आशिया चषक स्पर्धेत भारत आणि पाकिस्तान यांच्यात खेळला गेलेला सामना आजही चाहत्यांच्या मनात आहे. मात्र, मीरपूरमध्ये झालेल्या त्या सामन्यात भारताला पाकिस्तानकडून एका विकेटने पराभव स्वीकारावा लागला होता. प्रथम खेळताना भारताने आठ गड्यांच्या मोबदल्यात २४५ धावा केल्या होत्या. प्रत्युत्तरात पाकिस्तानने दोन चेंडू बाकी असताना सामना जिंकला. शाहिद आफ्रिदीने सलग दोन षटकार मारत आपल्या संघासाठी सामना संपवला.

2016 आशिया कपमध्ये भारत आणि पाकिस्तान यांच्यात एक संस्मरणीय सामना खेळला गेला. त्या सामन्यात पाकिस्तानचा संघ निर्धारित 20 षटकेही खेळू शकला नाही आणि संपूर्ण डाव केवळ 83 धावांवर आटोपला. भारताला लक्ष्य सोपे वाटत होते पण मोहम्मद अमीरने तीन विकेट घेत सामन्यात खळबळ उडवून दिली. विराट कोहलीने कठीण परिस्थितीत 49 धावा केल्या, ज्यामुळे भारतीय संघाने 27 चेंडू शिल्लक असताना पाच विकेट्स राखून सामना जिंकला.

आशिया कप 2018 मध्ये भारत आणि पाकिस्तान दोनदा भिडले. दोन्ही प्रसंगी भारतीय संघाला नेत्रदीपक विजय मिळवून दिला. तसे पाहता, सुपर-4 टप्प्यात खेळलेला सामना खूप खास होता जिथे भारताने 9 विकेट्सने विजय मिळवला होता. दुबईत खेळल्या गेलेल्या सामन्यात शोएब मलिकच्या 78 धावांच्या जोरावर पाकिस्तानने 50 षटकात 7 बाद 237 धावा केल्या. प्रत्युत्तरात भारतीय संघाने 63 चेंडू बाकी असताना 9 विकेट्स राखून सामना जिंकला. शिखर धवनने सर्वाधिक 114 आणि कर्णधार रोहित शर्माने नाबाद 111 धावा केल्या.