रविवारी आयपीएल 2024 चा 37 वा सामना पंजाब किंग्ज आणि गुजरात टायटन्स यांच्यामध्ये खेळला गेला. रविवारी झालेल्या या सामन्यात गुजरात टायटन्सने पंजाब किंग्जचा 3 गडी राखून पराभव केला. या विजयासह गुजरातच्या खात्यात आठ गुण जमा झाले आहेत. तो सहाव्या स्थानावर आहे. त्याचबरोबर पंजाब किंग्जची चार गुणांसह नवव्या स्थानावर घसरण झाली आहे.

या सामन्यात पंजाब किंग्जने नाणेफेक जिंकून प्रथम फलंदाजी करण्याचा निर्णय घेतला. पंजाबने गुजरातला 143 धावांचे लक्ष्य ठेवले होते. गुजरातने पंजाबचा तीन गडी राखून पराभव केला. गुजरातच्या या विजयात राहुल तेवतियाचे महत्त्वाचे योगदान होते. त्याने 36 धावांची नाबाद खेळी खेळली आणि संघाला या मोसमातील चौथा विजय मिळवून दिला.

पंजाबने दिलेल्या 143 धावांच्या लक्ष्याचा पाठलाग करताना गुजरातची सुरुवात चांगली झाली होती. ऋद्धिमान साहा आणि शुभमन गिल यांच्यात पहिल्या विकेटसाठी 25 धावांची भागीदारी झाली. अर्शदीप सिंगने संघाला पहिला धक्का दिला. त्याने साहाला बाद केले. तो 13 धावा करण्यात यशस्वी झाला. तर गिल 35 धावा करून परतला. या सामन्यात साई सुदर्शनने 31 धावा केल्या. तर डेव्हिड मिलर चार धावा करून, अजमातुल्ला उमरझाई १३ धावा करून, शाहरुख खान तीन धावा करून बाद झाला. साई किशोर खाते न उघडता नाबाद राहिला. पंजाबकडून हर्षल पटेलने तीन आणि लियाम लिव्हिंगस्टोनने दोन गडी बाद केले. तर अर्शदीप सिंग आणि सॅम कुरन यांना प्रत्येकी एक विकेट मिळाली.

दोन्ही संघाचे प्लेइंग 11

गुजरात टायटन्स प्लेइंग 11 :

ऋद्धिमान साहा (यष्टीरक्षक), शुभमन गिल (कर्णधार), डेव्हिड मिलर, अजमतुल्ला ओमरझाई, शाहरुख खान, राहुल तेवतिया, रशीद खान, रविश्रीनिवासन साई किशोर, नूर अहमद, संदीप वॉरियर, मोहित शर्मा. इम्पॅक्ट उप: साई सुदर्शन, शरथ बीआर, मानव सुथार, दर्शन नळकांडे, विजय शंकर.

पंजाब किंग्ज प्लेइंग 11 :

सॅम कुरान (कर्णधार), प्रभसिमरन सिंग, रायली रुसो, लियाम लिव्हिंगस्टोन, शशांक सिंग, जितेश शर्मा (यष्टीरक्षक), आशुतोष शर्मा, हरप्रीत ब्रार, हर्षल पटेल, कागिसो रबाडा, अर्शदीप सिंग. इम्पॅक्ट सब: राहुल चहर, विद्वथ कवेरप्पा, अथर्व तायडे, हरप्रीत सिंग भाटिया, शिवम सिंग.