न्यूझीलंड विरूद्धच्या पहिल्या कसोटी सामन्यात टीम इंडियाचा पहिला डाव 345 धावांवर संपला. तर दुसर्या दिवसअखेर न्यूझीलंडने एकही गडी न गमावता 129 धावा केल्या आहेत. दरम्यान न्यूझीलंड अद्याप भारताच्या 216 धावा मागे आहे.

भारताचा पहिला डाव 345 धावांवर आटोपल्यानंतर न्यूझीलंडने धमाकेदार सुरुवात केली आहे. न्यूझीलंडने एकही गडी न गमावता 129 धावा केल्या आहेत. 57 षटकांमध्ये न्यूझीलंडने हा धावफलक उभारलाय. तर याआधी पहिल्या कसोटीतील टीम इंडियाचा पहिला डाव 345 धावांवर संपला आहे. श्रेयस अय्यर आणि शुभमन गिल, रविंद्र जाडेचा यांनी पहिल्या डावात केलेल्या शानदार खेळीच्या जोरावर हे शक्य झालं आहे. टीम इंडियाकडून श्रेयस अय्यर 105, शुभमन गिल 52, रवींद्र जाडेजा 50 आणि आर आश्विननं 38 धावा केल्या.