rishabh pant century : ऋषभ पंतचा धमाका इंग्लंडविरुद्ध एजबॅस्टनवर पाहायला मिळाला. इंग्लंडच्या गोलंदाजांचा खरपूस समाचार घेत पंतने शानदार शतक झळकावले. पंतने शतक झळकावण्यासाठी केवळ 89 चेंडू घेतले आणि 15 चौकार आणि एक षटकार लगावला. ऋषभ पंतच्या कसोटी कारकिर्दीतील हे पाचवे शतक ठरले. (rishabh pant century in edgbaston test india vs england 5th test match)

जडेजासोबत चांगली भागीदारी केली

ऋषभ पंतची ही खेळी भारतीय संघासाठी खूप महत्त्वाची होती कारण एका क्षणी भारतीय संघाने 98 धावांवर पाच विकेट गमावल्या होत्या आणि 150 धावा करणे देखील कठीण होते. अशा स्थितीत पंत आणि जडेजाने सहाव्या विकेटसाठी शतकी भागीदारी करत भारतीय डावाचा ताबा घेतला.

टीकाकारांना चोख प्रत्युत्तर

ऋषभ पंतने शतक झळकावून टीकाकारांना चोख प्रत्युत्तर दिले आहे. दक्षिण आफ्रिकेविरुद्ध नुकत्याच झालेल्या टी-20 मालिकेत ऋषभ पंतला 5 डावात केवळ 58 धावा करता आल्या. आयपीएलमध्येही त्याची खेळी खराब होती. दिल्ली कॅपिटल्सचा कर्णधार ऋषभ पंतने आयपीएल 2022 मध्ये 14 सामने खेळून 30.90 च्या सरासरीने 340 धावा केल्या. यादरम्यान ऋषभ पंतची सर्वोत्तम धावसंख्या ४४ होती.