सनरायजर्स हैदराबादने रॉयल चॅलेंजर्स बेंगलोरचा 72 चेंडू आणि नऊ गडी राखून पराभव केला. हैदराबादने यंदाच्या हंगमातील सलग पाचवा विजय नोंदवला आहे. तर आरसीबीचा हा तिसरा पराभव आहे.

आरसीबीने दिलेले 69 धावांचं मापक आव्हान हैदराबादने आठ षटकात एका गड्याच्या मोबदल्यात सहज पार केले. हैदराबादकडून अभिषेक शर्माने 47 धावांची खेळी करत संघाला विजय मिळवून दिला. कर्णधान केन विल्यमसन 16 तर राहुल त्रिपाठी 7 धावा काढून नाबाद राहिला. आरसीबीकडून हर्षल पटेल याने एकमेव विकेट घेतली.

हैदराबादचा कर्णधार केन विल्यमसन याने नाणेफेकीचा कौल जिंकत आरसीबीला प्रथम फलंदाजीसाठी आमंत्रित केले. मार्को जानसन आणि नटराजन यांच्या भेदक माऱ्यापुढे आरसीबीचा संपूर्ण संघ 16.1 षटकात 68 धावांत संपुष्टात आला. आरसीबीच्या एकाही फलंदाजाला मोठी खेळी करण्यात अपयश आले. सुयेश प्रभुदेसाईनं आरसीबीकडून सर्वाधिक धावा कोल्या. सुयेश प्रभुदेसाईने 15 धावांची खेळी केली.