भारतीय संघाचा पुढील महिन्यात श्रीलंका दौरा असणार आहे. या दोऱ्यासाठी भारतीय संघ सज्ज झाला असून वेळापत्रक जाहिर करण्यात आले आहे.
भारतीय क्रिकेट संघ श्रीलंकेसोबत ३ वनडे आणि ३ टी-२० मालिका खेळणार आहे. या मालिकेचे वेळापत्रक समोर आले आहे. १३ जुलै ते २५ जुलै या काळात टीम इंडिया श्रीलंकेत सामने होणार आहेत.
भारताचा वरिष्ठ संघ इंग्लंड दौऱ्यावर असल्या कारणाने श्रीलंका दौऱ्यासाठी युवा खेळाडूंचा संघ पाठवला जाणार आहे. यात चेतन साकारिया, हर्षल पटेल, देवदत्त पडिक्कल, नितीश राणा यांना भारतीय संघात स्थान मिळू शकते. शिखर धवनच्या हातात भारतीय संघाची कमान असू शकते. आगामी टी-२० वर्ल्डकपला समोर ठेऊन निवडकर्ते या दौऱ्याकडे आणि खेळाडूंकडे लक्ष ठेवणार आहेत.
श्रीलंका दौरा
वनडे मालिका
१३ जुलै – पहिला वनडे सामना
१६ जुलै – दुसरा वनडे सामना
१८ जुलै – तिसरा वनडे सामना
टी-२० मालिका
२१ जुलै – पहिला टी-२० सामना
२३ जुलै – दुसरा टी-२० सामना
२५ जुलै – तिसरा टी-२० सामना