नवी दिल्ली : अष्टपैलू खेळाडू व्यंकटेश अय्यर याच्यासोबत मोठा अपघात झाला आहे. एका सामन्यादरम्यान व्यंकटेशच्या मानेला बॉल लागल्याने तो गंभीर जखमी झाला. यामुळे तो मैदानातच कोसळला. त्याला तातडीने रुग्णालयात नेण्याीत आले.
व्यंकटेश अय्यर सध्या दुलीप ट्रॉफीमध्ये सेंट्रल झोनकडून खेळता आहे. प्रथम फलंदाजी करणाऱ्या व्यंकटेश अय्यरने गोलंदाज गजाच्या बॉलवर षटकार ठोकत आपले खाते उघडले. त्याच्या पुढच्या बॉलवर व्यंकटेशने सरळ शॉट खेळला. यावेळी गजाने चेंडू पकडला आणि बॅटिंगच्या बाजूने स्टंपवर वेगाने फेकला. मात्र, हा चेंडू व्यंकटेशच्या मानेवर लागला. आणि तो मैदानातच कोसळला. तो बॉल अय्यरच्या डोके आणि खांद्याच्या मध्यभागी लागल्याने त्याला गंभीर दुखापत झाली. यामुळे मैदानावरच रुग्णवाहिका बोलावण्यात आली. परंतु, 27 वर्षीय अय्यरने मैदानातून चालत बाहेर पडण्याचा निर्णय घेतला. एवढेच नव्हे तर, अय्यर पुन्हा फलंदाजीला आला, मात्र, त्याला केवळ 14 धावा करता आल्या. क्षेत्ररक्षणादरम्यान अय्यरच्या जागी अशोक मनेरियाला खेळवण्यात आले आहे.
दरम्यान, व्यंकटेश अय्यरने धमाकेदार शैलीत टीम इंडियात प्रवेश केला होता. आयपीएल 2021 मध्ये कोलकाता नाइट रायडर्स (KKR) कडून खेळताना त्याने आपल्या फलंदाजी आणि गोलंदाजीने धमाका केला होता. एकेकाळी त्याला अष्टपैलू हार्दिक पांड्याचा पर्याय म्हणूनही मानले जात होते, कारण हार्दिक दुखापतीमुळे टीम इंडियातून बाहेर होता. पण, आता हार्दिकनेही टीम इंडियात दमदार पुनरागमन केले आहे. आता तो टी-२० विश्वचषकही खेळताना दिसणार आहे. तर व्यंकटेशला त्याच्या खराब फॉर्ममुळे टीम इंडियातून बाहेर व्हावे लागले आहे