भारताची आंतरराष्ट्रीय गोल्फपटू आदिती अशोकनं आपल्या दमदार कामगिरीच्या जोरावर भारताला शतकाच्या उंबरठ्यावर आणून ठेवलं आहे. त्यामुळे भारताच्या पदकांच्या संख्येमध्ये आदिती अशोक भर घालणार का? याकडे सगळ्यांचं लक्ष लागलं आहे.
आज पहाटे ४ वाजेपासून आदिती अशोकनं गोल्फच्या चौथ्या राऊंडमध्ये आपली कमाल दाखवायला सुरुवात केली. वर्ल्ड रँकिंगमध्ये २०० व्या क्रमांकावर असणाऱ्या आदितीनं वर्ल्ड रँकिंगमध्ये अग्रस्थानावर असणाऱ्या नेल्ली कोरडा आणि मोने इनामी यांना कडवी टक्कर दिली आहे. तिसऱ्या राऊंडपर्यंत आदिती अशोकनं आपलं दुसरं स्थान कायम राखलं असताना चौथ्या राऊंच्या १६ होल्सनंतर आदिती तिसऱ्या स्थानावर आली आहे. त्यामुळे आदितीला गोल्ड, सिल्व्हर किंवा ब्राँझ यापैकी कोणतंही मेडल मिळण्याची शक्यता निर्माण झाली आहे.