क्रिकेटच्या सामन्यांचे वेळी अतिउत्साही चाहते आपल्या आवडत्या खेळाडूंना भेटण्यासाठी सुरक्षा कवच तोडून मैदानात घुसतात. अशी एक घटना घडली आहे. यामध्ये मुंबई इंडियन्स MUMBAI INDIANS विरुद्ध रॉयल चॅलेंजर्स बंगलोर ROYAL CHALLENGERS BANGALORE या सामन्यांमध्ये एक चाहता रोहित शर्मा ROHIT SHARMA याला भेटण्यासाठी मैदानावर आला. परंतु अद्याप कोविडचे ते पूर्णपणे निराकरण झालेले नसल्यामुळे रोहितने त्याला वर्चुअलरित्या मिठी मारली. या कृतीचे विराट कोहलीने VIRAT KOHLI सुद्धा कौतुक केले आहे. यासंदर्भातील व्हिडीओ सोशल मीडियावर सध्या प्रचंड व्हायरल होत आहे.
या सामन्यांमध्ये मुंबई इंडियन्सने विजयासाठी ठेवलेले १५२ धावांचे लक्ष्य बंगळुरूने ७ विकेट्स व ९ चेंडू राखून सहज पार केले. अनुज रावतने ४७ चेंडूंत ६६ धावांची मॅच विनिंग खेळी केली आणि त्याला मॅन ऑफ दी मॅच पुरस्काराने गौरवण्यात आले. विराट कोहली ४८ धावांवर दुर्दैवीरित्या बाद झाला.रोहित शर्मा ( २६) व इशान किशन ( २६) यांनी पहिल्या विकेटसाठी ५० धावा जोडल्या, परंतु पुढील २९ धावांत त्यांच्या ६ विकेट्स पडल्या.
सूर्यकुमार यादवने ७व्या विकेटसाठी जयदेव उनाडकतसह ४१ चेंडूंत ७२ धावांची भागीदारी केली. सूर्यकुमारने ६८ धावा चोपल्या. जयदेव १३ धावांवर नाबाद राहिला. या दोघांनी मुंबईला ६ बाद १५१ धावांपर्यंत पोहोचवले. प्रत्युत्तरात अनुज रावत ( Anuj Rawat ) आणि फॅफ ड्यू प्लेसिस यांनी ८ षटकांत ५० धावा फलकावर चढवल्या. रावत व विराट कोहली यांनी ५२ चेंडूंत ८० धावांची भागीदारी केली. रावतने ४७ चेंडूंत २ चौकार व ६ षटकारांनी ६६ धावांची खेळी केली. विराटने ३६ चेंडूंत ५ चौकारांसह ४८ धावा केल्या.