दक्षिण आफ्रिकेत महिला टी-20 विश्वचषकाला सुरुवात झाली आहे. आज भारत आणि पाकिस्तान यांच्यात हाय व्होल्टेज सामना पाहायला मिळाला. भारत आणि पाकिस्तान या दोन्ही कट्टर प्रतिस्पर्ध्यांमध्ये चुरशीची लढत झाली. भारतीय संघाने रविवारी महिला टी-20 विश्वचषकातील आपल्या मोहिमेला विजयाने सुरुवात केली. भारताचा पहिला सामना कट्टर प्रतिस्पर्धी पाकिस्तानविरुद्ध होता. केपटाऊनमधील न्यूलँड्स येथे हा सामना खेळला गेला. नाणेफेक जिंकून प्रथम फलंदाजी करताना 20 षटकांत 4 गडी गमावून 149 धावा केल्या. प्रत्युत्तरात भारताने 19 व्या षटकात तीन गडी गमावून लक्ष्य गाठले. यासोबतच भारताने पाकिस्तानवर मोठा विजय प्राप्त केला आहे.

नाणेफेक जिंकून प्रथम फलंदाजी करताना पाकिस्तानने 20 षटकांत 4 गडी गमावून 149 धावा केल्या. टी-20 मध्ये भारताविरुद्ध पाकिस्तानची ही सर्वात मोठी धावसंख्या ठरली. बिस्माह मारूफने 55 चेंडूत नाबाद 68 आणि आयशा नसीमने 25 चेंडूत नाबाद 43 धावा केल्या. प्रत्युत्तरात भारताने १९ व्या षटकात तीन गडी गमावून लक्ष्य गाठले. भारताला विजयासाठी शेवटच्या तीन षटकात 28 धावांची गरज होती. मात्र, रिचा आणि जेमिमा यांच्या मनात काही वेगळेच होते. 18व्या षटकात ऋचाने सलग तीन चौकार मारत पहिल्या सामन्याचा मार्गच बदलला. यानंतर 19व्या षटकात जेमिमाने तीन चौकार मारून टीम इंडियाला विजय मिळवून दिला. 19व्या षटकातील शेवटच्या चेंडूवर जेमिमाला अर्धशतक पूर्ण करण्यासाठी एका धावेची गरज होती. त्याने चौकार मारून आपले अर्धशतकही पूर्ण केले आणि टीम इंडियाला विजय मिळवून दिला.