Bank Fraud : ऑनलाइन बँकिंग (Online Banking) आल्यानंतर अनेक फसवणुकीचे (Fraud) प्रकारही समोर येऊ लागले आहेत. अशा सर्व फसवणुकीला आळा घालण्यासाठी ग्राहकांनी जागरूक राहणे अत्यंत आवश्यक आहे. मात्र, जाणीव झाल्यानंतरही काही वेळा तुमची फसवणूक झाली, तर तुम्ही तक्रार क्रमांकावर कॉल करून तुमचे पैसे परत मिळवू शकता. एवढेच नाही तर या क्रमांकावर कॉल केल्यास फसवणुक दारांविरुद्ध तातडीने कारवाई सुरू केली जाईल. (online fraud or bank fraud dial these 6 numbers immediately you will get the money back)

ऑनलाइन फसवणुकीसाठी हेल्पलाइन क्रमांक

ऑनलाइन फसवणूक रोखण्यासाठी सरकार सातत्याने पावले उचलत आहे. यामुळेच काही वेळापूर्वी १५५२६० हा हेल्पलाइन क्रमांक सुरू करण्यात आला होता. ही हेल्पलाइन एक प्रकारे व्हर्च्युअल पोलिस स्टेशनप्रमाणे काम करते, पण लक्षात ठेवा की या नंबरवर कॉल करण्यापूर्वी तुमच्यासोबत झालेल्या फसवणुकीशी संबंधित सर्व माहिती तुमच्याकडे असायला हवी. यानंतर तुम्ही तुमची तक्रार या क्रमांकावर नोंदवू शकता.

स्थानिक पोलीस माहिती गोळा करतील

ही हेल्पलाइन भारतीय सायबर क्राइम कोऑर्डिनेशन सेंटरद्वारे आरबीआय, पेमेंट बँका आणि इतर प्रमुख बँकांच्या मदतीने चालवली जाते. एवढेच नाही तर याबाबत तक्रार दाखल होताच तत्काळ कारवाईही सुरू केली जाते. सोबतच पोलीस ठाण्यातही माहिती देण्यात आली आहे. तुमच्यासोबत झालेल्या फसवणुकीची माहिती तपास यंत्रणेला देणे ही स्थानिक पोलिसांची जबाबदारी आहे.

गृह मंत्रालयाचे प्रकरणांवर थेट लक्ष

या हेल्पलाइनचे वैशिष्ट्य म्हणजे ही थेट केंद्रीय गृह मंत्रालयाच्या (Union Home Ministry) देखरेखीखाली सुरू करण्यात आली. गृहमंत्रालयही यावर लक्ष ठेवते. अनेकांच्या तक्रारीनंतर पैसे परत केले जातात. तक्रार केल्यानंतर काही तासांत पीडितांच्या मोबाईल नंबरवर पोचपावती क्रमांकही पोहोचतो.