Oppo नं आपला आतापर्यंतचा सर्वात स्वस्त 5G स्मार्टफोन चीनमध्ये सादर केला आहे. कंपनीनं हा फोन आपल्या लोकप्रिय ए सीरिजमध्ये Oppo A55s 5G नावानं लाँच केला आहे. यात 8GB रॅम, 5000mAh ची दमदार बॅटरी आणि 13MP चा शानदार कॅमेरा आहे. चला जाणून घेऊया Oppo A55s 5G ची किंमत आणि फीचर्स.  

Oppo A55s 5G मध्ये 6.5 इंचाचा आयपीएस एलसीडी डिस्प्ले देण्यात आला आहे. हा टियरड्रॉप नॉच डिस्प्ले 720 x 160 पिक्सलसह एचडी+ रिजोल्यूशनला सपोर्ट करतो. प्रोसेसिंगसाठी कंपनीनं यात मीडियाटेकच्या डिमेन्सिटी 700 चिपसेटचा वापर केला आहे. त्याचबरोबर 8GB पर्यंत RAM आणि 128 जीबी इंटरनल स्टोरेज दिली आहे. ही स्टोरेज मायक्रोएसडी कार्डनं वाढवता येते. डिवाइस Android 11 आधारित ColorOS 11.1 वर चालतो. 

Oppo A55s चे दोन व्हेरिएंट चीनमध्ये सादर करण्यात आले आहेत. यातील 6 जीबी रॅम आणि 128 जीबी स्टोरेज असलेल्या बेस मॉडेलची किंमत 1,099 युआन (सुमारे 13,100 रुपये) आहे. तर फोनचा टॉप एन्ड व्हेरिएंट 8 जीबी रॅम आणि 128 जीबी स्टोरेजसह आला आहे. ज्याची किंमत 1,199 युआन (सुमारे 14,300 रुपये) आहे. हा फोन ब्रिस्क ब्लू, रिदम ब्लॅक आणि टेम्परामेंट गोल्ड रंगात विकत घेता येईल. सध्या चीनमध्ये आलेला हा फोन भारतात कधी येईल याची माहिती मात्र मिळाली नाही.