एखाद्या हॉटेलमध्ये जायचे असेल किंवा अन्य कोणत्याही ठिकाणी ओळख पटवून द्यायची असेल, तर आधार कार्डची हार्ड किंवा सॉफ्ट कॉपी मागितली जाते. पण तुम्हाला आता आधार कार्डची कॉपी सोबत ठेवण्याची गरज नाही.
कारण आता UIDAIने एक नवं फिचर लॉन्च केलं आहे. UIDAI ने आधार कार्ड स्मार्ट फेस ऑथेंटिफिकेशन फीचर अ‍ॅड केलं आहे. या फिचरच्या मदतीने चेहऱ्याला स्कॅन करून आधार कार्डची ओळख पटवता येणार मात्र यासाठी तुमच्याकडे स्मार्टफोन असणे गरजेचे आहे.
माहिती आणि प्रसारणमंत्री अश्विनी वैष्णव यांनी एक व्हिडीओ शेअर केला आहे. या व्हिडीओत फेस आयडी ऑथेंटिफिकेशनबाबात माहिती दिली आहे. आधार कार्डचे फेस ऑथेंटिफिकेशन फिचर वापरायचं असेल तर काय करावं लागेल? तुमच्या स्मार्टफोनमध्ये तुम्हाला NEW Aadhaar App इन्स्टॉल करावं लागेल.
त्यानंतरअ‍ॅपमध्ये ज्या स्टेप्स फॉलो करायला सांगितल्या आहेत, त्या कराव्यात. या सर्व स्टेप्स फॉलो करून तुम्ही तुमच्या आधारची पडताळणी करू शकता. सध्यातरी आधार कार्ड फेस ऑथेंटिफिकेशन फिचर हे बिटा टेस्टिंग व्हर्जनमध्ये आहे. त्यामुळे हे फिचर वापरण्यासाठी सामान्यांना नागरीकांना थोडी वाट पाहावी लागेल.