टेलिग्राम या लोकप्रिय मेसेजिंग ॲपमध्ये काही दिवसांपूर्वी नवं अपडेट आलं असून यामध्ये अनेक नव्या सोयी जोडण्यात आल्या आहेत. टेलिग्राममध्ये आता व्हिडिओ कॉल तब्बल १००० लोक पाहू शकणार आहेत. यासोबत व्हिडिओ मेसेजेस अधिक चांगल्या गुणवत्तेचे असतील. व्हिडिओ पाहताना 0.5x किंवा 2x असे पर्याय असतील ज्यामुळे व्हिडिओ आपल्याला कमी किंवा अधिक वेगात पाहता येतील.

Group Video Calls 2.0 : नव्या व्हिडिओ कॉल्समध्ये आता ३० यूजर्स त्यांचा कॅमेरा व्हिडिओ किंवा स्क्रीन ब्रॉडकास्ट करू शकतील आणि १००० लोक हा ग्रुप व्हिडिओ कॉल पाहू शकतील! येत्या काळात अमर्याद लोकाना (म्हणजे थोडक्यात स्ट्रीम प्रमाणे) व्हिडिओ कॉल पाहता येईल अशीही सोय आणत असल्याचं त्यांनी सांगितलं आहे!

Video Messages 2.0 : व्हिडिओ मेसेजेस आता अधिक जास्त रेजोल्यूशन मध्ये असतील. एखाद्या मेसेज वर टॅप केल्यावर अधिक मोठ्या स्वरूपात दिसेल आणि तिथे fast forward किंवा rewind चाही पर्याय असेल.