अजित पवार यांचे पुतणे युगेंद्र श्रीनिवास पवार हे देखील शरद पवार, सुप्रिया सुळे यांच्यासोबतच जाणार असल्याचे स्पष्ट झाले आहे. यामुळे अजित पवार यांना मोठा धक्का बसणार असं मानले जात आहे. युगेंद्र पवार हे सुप्रिया सुळे गटाच्या बारामतीतील पक्ष कार्यालयाला भेट देऊन कार्यकर्त्यांची संवाद साधणार आहेत. पक्ष कार्यालयासमोर ढोल ताशाच्या गजरामध्ये त्यांचं स्वागत केलं जाणार आहे. सुप्रिया सुळे गटाचे कार्यकर्ते, युगेंद्र पवार यांचे स्वागत करण्यासाठी उपस्थित आहेत.