पंढरपूर-मंगळवेढा विधानसभा मतदारसंघात सर्वाधिक राजकीय घडामोडी घडत आहेत. मंगळवेढ्याचे बबनराव आवताडे यांनी पुतण्या भाजपचे आमदार समाधान आवताडे यांना धक्का देत काँग्रेस उमेदवार भगीरथ भालके यांना पाठिंबा जाहीर केला आहे. बबनराव आवताडे यांच्यासोबतच त्यांचे चिरंजीव मंगळवेढा खरेदी विक्री संघाचे अध्यक्ष सिद्धेश्वर आवताडे हेही भालकेंच्या पाठीशी उभे राहिले आहेत, त्यामुळे पंढरपूरची लढत दिवसेंदिवस रंगतदार होत चालली आहे.