ऑनलाईन गेमची जाहिरात करणं मास्टर ब्लास्टर आणि भारतरत्न सचिन तेंडुलकर यांना भोवणार असल्याची चिन्हे आहेत. ऑनलाईन गेमची जाहिरात सचिन तेंडुलकर यांनी केल्यामुळे आमदार बच्चू कडू प्रचंड आक्रमक झाले आहेत. ही जाहिरात केल्याबद्दल सचिन तेंडुलकर यांना ३०तारखेला वकीला मार्फत कायदेशीर नोटीस बजावणार असल्याची माहिती बच्चू कडू यांनी दिली आहे. तर भारतरत्नाने कोणत्या जाहिराती कराव्यात आणि कोणत्या नाही याची आचारसंहिता आहे. त्यामुळे आता सचिन तेंडुलकर यांना वकीलामार्फत नोटीस पाठवल्यानंतर आंदोलनाची घोषणा करू, अशी माहिती बच्चू कडू यांनी दिली आहे.