बारसु सोलगाव भागातील रिफायनरी प्रकल्प विरोधी आंदोलकांना रत्नागिरी पोलिसांनी ताब्यात घेतले आहे. प्रकल्पाच्या विरोधात निवेदन देण्यासाठी रत्नागिरीमध्ये जात असताना पोलिसांनी त्यांना ताब्यात घेतले आहे. मुख्यमंत्री एकनाथ शिंदे आज रत्नागिरी दौऱ्यावर येत असताना प्रकल्प विरोधी समिती मुख्यमंत्र्याची भेट घेणार होती. मात्र रत्नागिरीत येण्याआधीच आंदोलकांना पोलिसांनी ताब्यात घेतले आहे. अमोल बोले यांच्यासह अनेकजण पोलिसांच्या ताब्यात आहेत.