अमरावतीमध्ये एक धक्कादायक घटना घडली आहे. अमरावतीत हॉटेलमधील कॉफीच्या ग्लासमध्ये काचेचे लहान-मोठे तुकडे आढळल्याने एकच खळबळ उडाली आहे. अमरावती शहरातील कॅम्प परिसरामध्ये हा सगळा प्रकार पाहायला मिळाला आहे. तरुणांकडून हॉटेल प्रशासनाविरोधात तक्रार दाखल करण्यात आलेली आहे.
ग्राहकांच्या सुरक्षेचा प्रश्न याठिकाणी ऐरणीवर आहे. कॉफी पिताना अचानक काचेचे तुकडे दिसल्याने ग्राहकांच्या तळपायाची आग मस्तकात गेली. या तरुणांनी हॉटेल संचालकाला जाब विचारला. या प्रकारामुळे हॉटेल संचालकावर कायदेशीर कारवाई करण्याची मागणी करण्यात येत आहे.