दक्षिण मुंबई मतदारसंघातून उमेदवारी मिळणार नसल्याचे स्पष्ट झाल्यानंतर आता मिलिंद देवरा काँग्रेसचा राजीनामा देऊन शिवसेनेच्या शिंदे गटात प्रवेश करणार असल्याचं समजत आहे. त्यामुळे आता दक्षिण मुंबईच्या जागेवरून शिवसेना-भाजपमध्ये संघर्ष होण्याची शक्यता आहे. दक्षिण मुंबईच्या जागेसाठी भाजप आग्रही असतानाच मिलिंद देवरा शिवसेनेत जाणार असल्याची चर्चा असल्याने भाजप आणि शिवसेनेत संघर्ष पाहायला मिळत आहे. मविआमध्ये दक्षिण मुंबईची जागा ठाकरे गट सोडण्यास तयार नव्हता. यामुळे काँग्रेसमधून देवरा याना उमेदवारी मिळण्याची शक्यता कमी होती. त्यानंतर देवरा यांनी शिवसेना नेत्यांशी संपर्क सुरु केल्याची माहिती आहे.