मनमाडमध्ये असणारा रेल्वे ओव्हर ब्रीजचा कठडा कोसळला आहे. रेल्वे लाईनच्या थोड्या अंतरावर असणारा हा कठडा कोसळला आहे. सुदैवाने जीवितहानी टळली असली तरी पूल खचल्याने इंदूर-पुणे महामार्गावरची वाहतूक ठप्प झाली आहे. पुलाचा अर्ध्यापेक्षा जास्त भाग खचल्याने वाहतूक बंद करण्यात आली आहे. त्यामुळे दुतर्फा वाहनांच्या रांगा लागल्या आहेत. मनमाड शहराच्या दोन्ही भागांना जोडणारा हा पूल अनेक दिवसांपासून जीर्ण अवस्थेत होता.