"मागच्या दाराने जाणं, भीक मागणं, हात पसरणे हा माझा स्वभाव नाही. काय द्यायचं ते सन्मानानं द्या, नाहीतर मी घरी बसतो," अशा शब्दांत मोहिते पाटील यांनी अजित पवारांना थेट सुनावले. तीन पक्षांचं जरी सरकार असलं तरी एकमेकांना मदत करतील का, अशी शंका त्यांनी यावेळी व्यक्त केली. विधानसभा निवडणुकीत मदतीची गरज असताना वळसे पाटील आणि आढळराव पाटील यांनी पाठ फिरवली, अशी खंतही मोहिते पाटील यांनी व्यक्त केली. ते राजगुरुनगर येथे आयोजित मतदार आभार मेळाव्यात बोलत होते.