विधानसभा निवडणुकीची घोषणा होण्यापूर्वीच मुख्यमंत्री एकनाथ शिंदे यांनी मोठी घोषणा केली आहे. बृहन्मुंबई महानगरपालिका अधिकारी व कर्मचारी यांना दिपोत्सव २०२४ निमित्त २९ हजार रुपये सानुग्रह अनुदान म्हणजेच दिवाळी बोनस जाहीर करण्यात आला आहे. गेल्या वर्षी जाहीर केलेल्या बोनसच्या रकमेत यंदा 3000 रुपयांनी वाढ करण्यात आली असून, अंगणवाडी सेविका आणि आशा सेविकांनाही 5000 रुपयांचा बोनस मिळणार आहे. याआधी राज्य सरकारनं मदरसा शिक्षकांच्या पगारात वाढ करण्याची घोषणा केली होती.