चित्रपट अभिनेता सलमान खानचा मेहुणा आणि बॉलिवूड अभिनेता आयुष शर्माच्या कारला मुंबईतील खार परिसरात अपघात झाला. पोलिसांनी सांगितले की, दारूच्या नशेत गाडी चालवणाऱ्या एका व्यक्तीने शर्मा यांच्या कारला धडक दिली. आयुषच्या कारचा अपघात झाला त्यावेळी तो कारमध्ये नव्हता. त्यावेळी कारमध्ये त्यांचा 31 वर्षीय ड्रायव्हर अरमान मेहंदी हसन खान होता. या अपघातात ड्रायव्हर जखमी झाले असून कारचे मोठे नुकसान झाला आहे. एका पोलीस अधिकाऱ्याने सांगितले की, आरोपी कार चालक परविंदरजीत सिंग हा मद्यधुंद अवस्थेत होता आणि त्याने पळून जाण्याचा प्रयत्न केला परंतु पोलिसांनी त्याला पकडले. या प्रकरणी अधिक तपास पोलीस करत आहेत.