मुंबई : दादर येथील प्रसिद्ध भरतक्षेत्र दुकानावर आज सकाळी सक्तवसुली संचालनालय म्हणजेच ED ने धाड टाकली आहे. गेल्या चार तासांपासून ईडीचे अधिकारी दुकानात असून चौकशी सुरू आहे. सूत्रांनी दिलेल्या माहितीनुसार, आर्थिक अफराताफर केल्याप्रकरणी ही धाड टाकल्याचे समोर येते. साल २०१९ मध्ये याच भरतक्षेत्रचे मालक मनसुख गाला यांच्यावर आर्थिक घोटाळ्यासंदर्भात भोईवाडा पोलीस ठाण्यात तक्रार दाखल करण्यात आली होती. याच तक्रारीच्या आधारे ईडी सध्या चौकशी करत असल्याची प्राथमिक माहिती समोर येत आहे.