विधानसभेला महाविकास आघाडीने मुस्लीम समाजाला प्रतिनिधीत्व द्यावं कॉंग्रेसचे माजी खासदार हुसेन दलवाई यांनी मागणी केली आहे. लोकसभेला प्रतिनिधीत्व न दिल्यामुळे समाजात नाराजी होती मोदींना हटवण्यासाठी 90 टक्के मुस्लिमांनी मतदान केल्याचं हुसेन दलवाई यांनी म्हटलं आहे. जिथे मुस्लिम समाजाची संख्या जास्त आहे तिथे उमेदवारी द्यावी हुसेन दलवाई यांनी शिवसेना आणि राष्ट्रवादी शरद पवार पक्षाकडे मागणी केली आहे.
यापार्श्वभूमीवर हुसेन दलवाई म्हणाले, मुस्लिमानांच प्रतिनिधीत्व नीट होईल असं पाहिलं पाहीजे. त्याच्यात मी आता सोलापूरला आहे, सोलापूर सेंट्रलची जी सीट आहे ही सातत्याने दुसऱ्यांना गेलेली आहे. ती सीट एकदा तरी तुम्ही मुस्लिमांना द्या या भागामध्ये एक ही मुसलमान उभा करत नाही हे चांगल आहे का? इतक्या मोठ्या प्रमाणात मुस्लिम समाज आहे, व्यापार करणारा आहे तसेच सातत्याने तुमच्यासोबत राहिलेला आहे, असं म्हणतं हुसेन दलवाई यांनी आपले वक्तव्य मांडले.