क्रीडा व युवक कल्याण सेवा संचालनालय आयोजित स्व. खाशाबा जाधव राज्यस्तरीय कुस्ती स्पर्धेत कोल्हापूरच्या संघाने विजेतेपद पटकावले. उदगीर येथे संपलेल्या कुस्ती स्पर्धेत कोल्हापूर संघाने ग्रिकोरोमन, फ्रीस्टाईल व महिलांसह सर्वच्या सर्व 3 गटात सर्वसाधारण विजेतेपद जिंकण्याची दमदार कामगिरी नोंदविली.
स्पर्धेसाठी लातूरकरांची गर्दी उसळली होती. स्पर्धेचा बक्षिस वितरण समारंभ सहसंचालक सुधीर मोरे, उपजिल्हाधिकारी सुशांत शिंदे यांच्या हस्ते झाला.