शशिकांत सुर्यवंशी, कराड

कोयना धरण पाणलोट क्षेत्रात पावसाचा जोर वाढल्याचे पाहायला मिळत आहे. पाणलोट क्षेत्रामधील मुसळधार पावसामुळे धरणात मोठ्या प्रमाणात आवक सुरू झाली आहे. कोयना धरण पाणलोट क्षेत्रात पावसाचा जोर वाढल्यामुळे धरणात एकूण 75.26 टीएमसी पाणीसाठा आहे.

धरणाची पाणी पातळी नियंत्रित करणेसाठी आज संध्याकाळी 4 वाजता धरणाचे वक्र दरवाजे १ फूट ६ इंच उचलून सांडव्यावरून दहा हजार क्युसेक्स पाण्याचा विसर्ग सुरू करण्यात येणार असल्याची माहिती मिळत आहे.

याच पार्श्वभूमीवर नदीकाठच्या गावांना धरण प्रशासनाकडून सतर्कतेचा इशारा देण्यात आला आहे.