ओबीसी समाज शरद पवारांच्या राष्ट्रवादीला मतदान करणार नाही अशी घोषणा ओबीसी नेते लक्ष्मण हाकेंनी बीडमधील एका सभेत केली आहे. या विधानसभेत ओबीसींना किती तिकिटे हे जाहीर करा असं आव्हान लक्ष्मण हाकेंनी सर्वपक्षांना केलं आहे. ओबीसी समाज तुतारीला मतदान करणार नाही बीडमधील सभेत लक्ष्मण हाके म्हणाले आहेत.
यावेळी लक्ष्मण हाके म्हणाले की, शरद पवारांना महाराष्ट्राने खुप वेळा साथ दिली आहे. अनेक वेळा मुख्यमंत्री देखील केलं पण शरद पवारांनी कुटुंबाच्या पलीकडे या महाराष्ट्रामध्ये कोणाला संधी दिली नाही. कुटुंबाच्या पलीकडे आणि पाहुणे राऊळ्यांच्या पलीकडे कोणाला कारखाने दिले नाही विधानसभेची तिकिट दिलेलं नाही. त्याच्यामुळे शरद पवारांना आणि शरद पवारांच्या तुतारीला ओबीसी समाज मतदान करणार नाही. त्याच कारण म्हणजे आमच्या हिताचं कधी शरद पवार म्हणाले नाहीत आणि जरांगेंना ते सतत पाठिंबा देत आले आहेत.