महाविकास आघाडीच्या संयुक्त पत्रकार परिषदेत मविआचे नेते मतदारसंघांची यादी वाचून दाखवताना लखनौच्या नवाबांसारखं पहले आप पहले आप करताना दिसले. सांगली, भिवंडीचा वाद होता. मतदारसंघ कुणाला दिले हे सांगण्याचं बहुतेक कुणाचं धाडस होत नव्हतं. शरद पवारांनी यादी वाचा असं सांगितलं. शरद पवारांनी यादी कोण वाचतंय असं सांगितल्यावर, नेत्यांमधून नाना तुम्ही वाचा असा आवाज आला. नानांना यादी वाचण्याचं बहुतेक धाडस झालं नाही. त्यांनी संजय राऊत हे मविआचे प्रवक्ते आहेत त्यामुळं राऊतच यादी वाचतील असं सांगून नानांनी स्वतःची यादी वाचण्यातून सुटका करवून घेतली.