आई हा शब्द व आई ही व्यक्ती प्रत्येकाच्या जिव्हाळ्याचा विषय आहे. आई ही एक अशी व्यक्ती आहे जी आपल्याला जगातील इतर कोणत्याही व्यक्तीपेक्षा अधिक ओळखत असते. आई व मुलाचं नातं हे खरंतर मुल आईच्या पोटात असल्यापासूनच सुरू होतं. आणि मग आपल्या मुलासाठी स्वप्न पाहण्यापासून ते त्याच्या चूकांना पोटात घालणे, त्याच्यावर प्रेम करणे, हा सारा प्रवास व ही भावना विक्रांत शिंदे यांनी शब्दबद्ध केली आहे तर, त्या शब्दबद्ध केलेल्या गीताला संगीतमय करून ते साक्षात रेडेकर यांनी सुरेल आवाजात गायले आहे.