खासदार सुनेत्रा पवार यांच्याकडून अजित पवार यांना शुभेच्छा देण्यात आल्या. गुलाबाचं फूल देऊन त्यांनी वाढदिवसाच्या शुभेच्छा दिल्या आहेत. उपमुख्यमंत्री अजित पवार यांनी सोशल मीडियावर पोस्ट शेअर करत ही माहिती दिली. "मी राज्याचा गाडा हाकत असताना आयुष्यभर माझ्या पाठीशी खंबीरपणे उभी राहिलेल्या माझ्या अर्धांगिनीने गुलाबाचे फूल देऊन मला वाढदिवसाच्या शुभेच्छा दिल्या." असे अजित पवार ट्विटरवर पोस्ट शेअर करत म्हणाले. सोबत त्यांनी फूल दिल्याचा फोटो देखील पोस्ट केला आहे.