राज्यात सध्या प्रचंड राजकीय घडामोडी घडत. त्यातच नागपूरमध्ये शिंदे-फडणवीस सरकारचे पहिले हिवाळी अधिवेशन सुरु आहे. मात्र, हे अधिवेशन मोठे वादळी ठरत आहे. काही दिवसांपूर्वी राष्ट्रवादी काँग्रेसचे आमदार अमोल मिटकरी यांनी आमदार निवासातील व्हिडिओ ट्वीट केला होता. यात एक वेटर आमदारांच्या कपबशा धुण्यासाठी चक्क शौचालयातलं पाणी वापरत असल्याचा दिसून येत होते. त्यानंतर या प्रकरणावरून वातावरण चांगलेच तापले होते. यावरच आता मिटकरी यांनी पुन्हा एक व्हिडिओ शेअर केला आहे.
यावेळी त्यांनी सिगरेट ओढताना एका नागरिकाचा व्हिडिओ टाकला आहे. त्याठिकाणी धूम्रपान करू नये असे लिहलेले असताना देखील एक व्यक्ती विधानभवनाच्या आवारात सिगरेट ओढत आहे. हा व्हिडिओ ट्विटवर टाकत मिटकरी म्हणाले की, विधान भवन परिसरात "शाईच्या पेनाला" बंदी मात्र सिगारेट ओढायला खुली परवानगी . विधान भवन परिसरातील आणखी एक पराक्रम.. ( माहितीसाठी).#गरमागरमहिवाळी अधिवेशन असे ते यावेळी म्हणाले आहे.