सध्या सलग सुट्ट्या असल्याने पर्यटक भाविकांनी करवीर निवासिनी अंबाबाई देवीचे दर्शन घेण्यासाठी गर्दी केली आहे. साडेतीन शक्तीपीठांपैकी एक पीठ म्हणून करवीर निवासिनी अंबाबाई देवीची जगभर ओळख आहे. सलग सुट्ट्यां आणि नवीन वर्ष स्वागताचे अवचित्य साधत पर्यटक भाविकांनी पहाटेपासूनच अंबाबाई देवीचे दर्शन घेण्यासाठी मोठी गर्दी केल्याचं चित्र पाहायला मिळालं. पश्चिम महाराष्ट्र देवस्थान व्यवस्थापन समितीच्या वतीने भाविकांना सुलभ आणि तात्काळ दर्शन व्हावे यासाठी उत्कृष्ट व्यवस्था करण्यात आली आहे. तसेच सुरक्षेच्या कारणास्तव मंदिराबाहेर पोलिसांचा मोठा बंदोबस्त ही तैनात करण्यात आला आहे. दरम्यान शहरातील मैदानही पार्किंगने देखील हाउसफुल झाली आहेत.