मुंबई : पुण्याच्या माजी पोलीस आयुक्त मीरा बोरवणकर यांनी मॅडम कमिशनर या पुस्तकातून गौप्यस्फोट केले आहेत. यामुळे राजकीय वर्तुळात एकच खळबळ उडाली आहे. यामध्ये पृथ्वीराज चव्हाणांकडून अजित पवारांची पाठराखण करण्यात आली आहे. मीरा बोरवणकरांना हवी ती पोस्टिंग न मिळाल्यानं बोरवणकरांचा गैरसमज असावा, असे विधान पृथ्वीराज चव्हाणांनी केलं होते.
बोरवणकर यांनी मागितलेली पोस्टीग त्यांनी जमीन हस्तांतरणला विरोध केल्याने मिळाले नसल्याचे पुस्तकात उल्लेख आहे. पण, तसे काही नाही, त्यावेळी त्यांना हवी ती पोस्ट नव्हती. त्यामुळे त्याचा गैरसमज झाला असावा. मला त्यात जास्त माहिती नाही. पण, वरिष्ठ पोलीस अधिकारी बदलीमध्ये खूप मोठी प्रकिया असते. त्यामुळे त्याचा माझ्याबद्दल गैरसमज झाला असेल, असे पृथ्वीराज चव्हाणांनी म्हंटले आहे.