काँग्रेस खासदार राहुल गांधी दिल्लीच्या आनंद विहार रेल्वे स्थानकावर पोहोचले, जिथे त्यांनी हमालांची भेट घेतली. हमालांचा लाल गणवेश परिधान करुन त्यांनी डोक्यावर सामानही उचललं. दिल्ली रेल्वे स्टेशनवर शेकडोच्या संख्येला हमाल कार्यरत आहेत. या हमालाच्या समस्या नक्की काय आहेत हे जाणून घेण्यासाठी राहुल गांधी यांनी या भेटी दरम्यान प्रयत्न केले आहेत. रेल्वे स्टेशनबाहेरील हमालांशी त्यांनी चर्चा केली.