राज्याच्या राजकारणातील ज्येष्ठ नेते शरद पवार यांच्याबाबत माजी मंत्री संदाभाऊ खोत यांनी वादग्रस्त विधान केले होते. सांगलीमध्ये गोपीचंद पडळकरांच्या प्रचारसभेवेळी सदाभाऊ खोत यांची शरद पवारांवर टीका करताना जीभ घसरली. यानंतर सदाभाऊ खोत यांच्यावर राज्यभरातून टीका करण्यात आली. यातच आता सदाभाऊचा मेंदू गुडघ्यात आला आहे का? अशी टीका अजित पवार गटाच्या नेत्या रुपाली ठोंबरे पाटील यांनी केली आहे.